Ingliz va o‘zbek xalqlari bir-biridan juda uzoq hududlarda yashab, turli tillar oilasiga qarashli har xil tizimdagi tillarda so‘zlashsalar-da, ularning so‘z turkumlari bo‘linishida o‘ziga xos yaqinliklar borligi e’tiborni tortadi. Jumladan, har ikkala til tizimida bog’lovchi va yuklamalar mavjud bo‘lib, yordamchi so‘zlar qatoriga kiritiladi. Lekin, e’tiborli jihati shundaki, “partikl” termini yordamchi so‘z turkumlari orasida yuklama uchun maxsus nom sifatida qo‘llanishi kuzatiladi. Ushbu maqolada Teodor Drayzerning “Baxtiqaro Kerri” romanidan olingan misollar yordamida yuklamalarning ko‘makchi va bog‘lovchiga nisbatan vazifalari kengligi, yuklamalar nutqni tashkil qiluvchi so‘z va gaplarga qo‘shimcha ma’no berish kabi vazifalarni bajarishi, yordamchi so‘zlarning gap shakllanishidagi o‘rni va ahamiyati tadqiq qilingan.