Annotatsiya: maqolada O‘rta Zarafshon havzasining Chaqilkalon, Qoratepa va Nurota tog‘larida shakllanadigan kichik daryolar va soylar oqimining yillararo tebranishi masalalari ko‘rib chiqilgan. Shu maqsadda, o‘rganilayotgan hududdagi kichik daryolar va soylarning o‘rtacha yillik suv sarflari ma’lumotlaridan foydalanilgan. Tadqiqotda, daryolar oqimining hisob davridagi o‘zgarishlarining miqdoriy qiymatlari (∆Q) baholangan. Shuningdek, yillik suv sarflari tebranishlarining o‘zaro mosligi statistik baholangan.