Maqolada bolalarda uchraydigan surunkali kasalliklarni davolashda psixologik yondashuvlarning ahamiyati koʻrsatib berilgan. Psixosomatik yondashuv mazkur kasalliklarni organik va funksional buzilishlar nuqtai nazaridan qarab chiqsa, ijtimoiy-psixologik yondashuvda bolaning shaxslararo munosabatlar tizimi, ya’ni ota-onalar, oʻqituvchi va tarbiyachilar hamda tengdoshlar bilan munosabatlari xarakteri bilan izohlashga urinish qayd etiladi. Madaniy-tarixiy konsepsiya doirasida yagona konseptual sxemada tana ontogenezi va psixosomatik buzilishlar dolzarb genezini birlashtirishga intilish seziladi. Mavjud nazariy va amaliy yondashuvlar bolalardagi surunkali kasalliklarni davolash va reabilitasiya jarayonlarida yaxshi samara berishi ta’kidlangan.