Bugungi kunda hujayralar ustida olib borilayotgan ilmiy izlanishlar oʼzining foydaliligi bilan koʼpgina sohalarni rivojlantirishga yoki ayni sohadagi dolzarb muammolarni yechib berishga xizmat qilmoqda. Maqola hasharot hujayra kulturasidan biotexnologik maqsadlarda foydalanishga qaratilgan. Biz hasharot hujayra linyalari ustida bir qancha tajribalar olib bordik. Ushbu tadqiqotimizning asosiy maqsadi Bombyx mori (tut ipak qurti) yadroviy poliedroz virusi asosida olingan kerakli MIS oqsilini sintezlovchi rekombinant rBmNPV- MIS bakulovirus klonlarini tozalash va toza holda ajratib olishdan iborat. Rekombinant MIS oqsili oʼz navbatida saratonning bir qancha turlarini davolashda foydalaniladi