Yaylov chorvachiligi sharoitida chorva mollarini oziqlantirishda foydalaniladigan dagʻal ozuqalarning kimyoviy tarkibini oʻrganish bo'yicha tahlillar shuni koʻrsatdiki, hazmlanishi qiyin boʻlgan uglevodlar miqdori ozuqa turiga, oʻsimlikning rivojlanish fazasiga va dagʻal ozuqalarni yigʻishtirish usuliga qarab turli miqdorda boʻladi. Olingan ma’lumotlarga koʻra, taqqoslanayotgan ozuqalar orasida karrak kimyoviy tarkibi va ozuqaviylik qiymatiga koʻra oziqlantirishga tayyorlashning turli texnologiyalari uchun mos keladi, chunki uning tarkibida oson hazmlanuvchi moddalar miqdori nisbatan koʻp.