TALABALARNING INGLIZ TILI FONETIK KOMPETENSIYASINI RIVOJLANTIRISHDAGI QIYINCHILIKLAR

Annotatsiya

Ushbu maqolada talabalarning ingliz tilida fonetik kompetensiyasini rivojlantirishdagi qiyinchiliklar, fonetik ko‘nikmani shakllantirishda talabalar tomonidan yo‘l qo‘yiladigan bir qator xatolar, ya’ni fonologik xatolar hamda uzun va qisqa unlilar talaffuzi,shuningdek fonetik laboratoriya haqida fikr yuritiladi. “Amaliy fonetika” o‘quv fani asosiy fanlardan biridir. Bu o‘ziga xos va talabalar uchun eng qiyin, chunki maktabda fonetik ko‘nikmalarga kam e’tibor beriladi va abiturientlar talaffuzida rivojlangan xatolar bilan oliy ta’limga o‘qishga kiradilar, shuningdek, oliy ta’limda ingliz tilining to‘g‘ri talaffuz mexanizmi mavjud emas. Fonemaning allofoni o‘rniga boshqa bir fonemaning allofonini talaffuz qilganda fonologik xatolar yuzaga keladi va bu so‘z ma’nosining o‘zgarishiga olib keladi