MUSTAQILLIK YILLARIDA HUNARMAND XOTIN-QIZLAR FAOLIYATINI RIVOJLANTIRISHGA OID ISLOHATLAR

Annotatsiya

Mustaqillik yillarida barcha sohalar singari milliy hunarmandchilikni rivojlantirishga qaratilgan islohatlar amalga oshirib kelinmoqda. Ma’lumki, o‘zbek hunarmandchiligi turli geografik muhit, voha va vodiy aholisi va viloyatlarimiz hududida o‘ziga xos tamoyillar asosida rivojlanib kelgan. O‘zbekistonda xotin-qizlarning  xalqimiz tarixi, qadriyatlari, urf-odat va an’analarini o‘zida aks ettirgan milliy hunarmandchilik sohasidagi faoliyati ham diqqatga sazovardir. Bu jarayonda xotin-qizlarning milliy hunarmandchilik sohalarini rivojlantirishdagi ishtirokini ilmiy tadqiq qilish, xolisona o‘rganish taqozo qilinadi. Mazkur maqolada mustaqillik yillarida hunarmand xotin-qizlar faoliyatini  rivojlantirishga oid islohatlar haqida so‘z boradi.