Bugungi kun tilshunosligida tilni madaniyatga bog‘lab o‘rganish, tahlil qilish dolzarb masalaga aylandi. Xususan, onomastikaning asosiy ko‘lamini tashkil etuvchi antroponimlar ham bevosita xalqning milliy madaniyati  bilan chambarchas bog‘liq bo‘lib, antroponimlarni madaniy jihatdan o‘rganishda pretsedentlik hodisasi lingvokulturologiyaning asosiy tushunchalaridan biri sifatida tahlil uchun muhim ahamiyatlidir. Ushbu maqolada pretsedent birliklarning lingvokulturologiyadagi ahamiyati, antroponimlarning onomastik pretsedent birliklar tizimidagi o‘rni haqida so‘z boradi. Xususan, o‘zbek antroponimlari pretsedent birlik sifatida qanday vazifalar bajarishi Luqmoni hakim, Hazrati Xizr, Sulaymon, Jamshid kabi tarixiy shaxslar misolida kontekstda qanday ramziy ma’nolar ifodalashi, badiiy adabiyotda yozuvchi tomonidan qay maqsadlarda foydalanishi haqida aniq misollar bilan izohlangan.