Maqolada o‘zbek xalqining nonga bo‘lgan chuqur hurmati va uning madaniy-tarixiy ahamiyati yoritilgan. Non xalq og‘zaki ijodi, udum va an’analarda muqaddas timsol sifatida tasvirlangan. Turli hududlarda non turlari va nomlanishiga oid misollar keltirilib, uning shakllanish tarixi tahlil qilingan. Shuningdek, nonning lug‘atdagi ma’nosi, etimologiyasi va adabiy manbalardagi qo‘llanilishi ko‘rib chiqilgan. Maqolada nonning turli tasnifi, uning urf-odatlardagi o‘rni va xalq taomlari bilan bog‘liqligi ham yoritilgan. Xalq tasavvurida non nafaqat oziq-ovqat, balki hosildorlik, baraka va ezgulik timsoli sifatida talqin qilinadi. Uning qadr-qimmati nafaqat o‘zbeklar, balki boshqa xalqlar urf-odatlarida ham aks etgan.