Biotransformatsiya biologik va kimyoviy jarayonlarning noyob sinergiyasi boʻlib, turli sohalarda, xususan farmatsevtika sanoatida innovatsion yechimlarni taklif qiladi. Bu jarayon murakkab tabiiy mahsulotlarni modifikatsiya qilishning kimyoviy usullarga nisbatan ancha samarali va ekologik toza alternativi hisoblanadi. Biotransformatsiya orqali tabiiy birikmalarning biologik faolligini sezilarli darajada oshirish mumkin boʻlib, bu esa patogen mikroorganizmlar, saraton hujayralari va boshqa biologik nishonlarga qarshi yuqori samaradorlikka ega boʻlgan yangi dorivor preparatlar yaratish imkonini beradi. Endofitik mikroorganizmlar biologik jihatdan faol va strukturaviy jihatdan xilma-xil tabiiy birikmalarni sintez qilishda muhim rol oʻynaydi. Ushbu mikroorganizmlar nafaqat tabiiy birikmalarni ishlab chiqarishda, balki ularning farmakologik xususiyatlarini yaxshilashda ham asosiy vositachi hisoblanadi. Ushbu tadqiqotda endofitik mikroorganizmlar va mikrosomalar yordamida sintez qilingan 111 ta biotransformatsiya mahsulotlarining kimyoviy tuzilishi va biologik faolligi oʻrganilgan. Bu mahsulotlar antimikrob, antikanser, antimalariya va yalligʻlanishga qarshi xususiyatlarga ega ekanligi aniqlangan. Tadqiqot natijalari farmakologiya va tibbiyot sohasidagi tadqiqotchilar uchun muhim maʼlumotlarni taqdim etadi. Bundan tashqari, mikroorganizmlar yangi biofaol birikmalarning potentsial manbai sifatida keng koʻlamda oʻrganilishi va biotransformatsiya orqali yangi avlod uchun zararsiz va yuqori samarali dorivor preparatlar yaratishga yoʻnaltirilgan ilmiy izlanishlar uchun asos yaratadi. Ushbu ish farmakalogiya va tibbiy faoliyat yurituvchi olimlar uchun muhim ma’lumotlarni taqdim etadi hamda mikroorganizmlarning yangi biofaol tabiiy birikmalarning manbai sifatida keng ko`lamda o‘rganilishi va biotransformatsiya orqali keyingi avlodga zararsiz va samarali yangi dori vositalarining yaratilishiga yo‘naltirilgan tadqiqotlarga zamin yaratadi.