So‘nggi yillarda abiotik stress omillari bug‘doy hosildorligiga yetarlicha salbiy ta‘sir ko‘rsatmoqda. Ushbu maqolada optimal va suv tanqisligi sug‘orish rejimlarida o‘stirilgan tadqiqot namunalarining o‘rtacha o‘simlik bo‘yi, ildiz soni, ildiz uzunligi, o‘simlik ho‘l vazni va o‘simlikning quruq vazni kabi morfofiziologik ko‘rsatkichlari o‘rganildi. Bunda, Bardosh va Ezoz navlarida ikkala fon orasidagi farq eng kam ko‘rsatkichlarni namoyon qildi. Aksincha Krasnodar 99 va Baxmal 97 navlarida esa ikkala fon orasidagi farq boshqa namunalarga qaraganda ancha kattaroq ekanligi aniqlangan.