Ushbu maqolada poetik sintaksis turlaridan biri, poetik individuallikni ta’minlashda o‘ziga xos o‘ringa ega figuralardan sintaktik parallellizm hamda uning badiiy matndagi uslubiy vazifalari o‘rganilgan. Sintaktik parallelizmning matnda intonatsion butunlikni tashkil etish, matn ekspressivligi va ta’sirchanligini ta’minlash, qisqalik, ixchamlik, bir xillik hamda go‘zallik hosil qilish kabi qator vazifalari nasriy, she’riy va dramatik asarlardan olingan misollar asosida tahlil etilgan.