Qo‘shiqsiz inson hayotini tasavvur etib bo‘lmaydi. Qo‘shiq odamzod ma’naviy olamining eng noyob durdonalaridan biridir. Kishilik jamiyati uzoq tarixiy taraqqiyot jarayonida o‘zining shodligi va iztiroblarini, ezgu ideallari va yuksak insoniy tushunchalarni qo‘shiq orqali ifodalab kelgan. Mazkur maqolada oliy ta’lim musiqa yo‘nalishi, san’at maktablari, bolalar musiqa maktablari vokal, xonandalik ijrochiligi darslarida ovoz mashqlarining ahamiyati, ulardan foydalanishning shakl va metodlari yoritib berilgan. Shuningdek ovozlarning xususiyati, ularning bo‘linish tasnifiga doir qimmatli fikrlar keltirilgan.