Mualliflar  tomonidan qoʻngʻir tolali goʻza nav namunalarining turli suv rejimi sharoitlaridagi fiziologik belgilari oʻrganilgan. Optimal va suv tanqisligi fonlarida rangli tolali g‘o‘za namunalarida gullash-hosil to‘plash davrida xloroplast pigmentlaridan xlorofill “a”, xlorofill “b” va karotinoid miqdori o‘rganildi. O’simliklarda xloroplastning asosiy komponentlaridan bo‘lgan karotinoidlar stress sharoitda o‘simliklarni foto-oksidlanishdan himoya qiladi. Suv tanqisligi- modellashtirilgan qurg`oqchilik sharoitida o’rganilgan rangli tolali g’o’za namunalari orasidan A-1025 va A-800-1 namunalarida plastid pigmentlari xlorofill “a”, xlorofill “b” va karotinoidlari miqdori boshqa namunalardagi xlorofill “a”, xlorofill “b” va karotinoidlari miqdorga nisbatan yuqori bo’lib, qurgo`chilikka chidamli ekanliklarini namoyon qildi.   Moslashuvchanlik koeffisiyenti aniqlanganda 04494 (qo’ng’ir) namunasi har uchta plastid pigmentlari miqdori bo’yicha ham eng yaxshi ko’rsatkichga ega bo’ldi (mos ravishda xlorofill “a”-4,3%, xlorofill “b”-14,1% va karotinoidlar – 4,9%). O‘simliklar barglaridagi xlorofill miqdori murakkab belgilardan biri bo‘lib, bu belgining yuzaga chiqishi turli genotipik va agroekologik omillarga bog‘liq ekanligini ko‘rsatdi.