Oʻsimliklarni in vitro sharoitda koʻpaytirishda mikroklon bosqichi juda muhim boʻlib bunda yangi hosil boʻlgan mikronovdalar soni qancha koʻp boʻlsa uning iqtisodiy samaradorligi ham shuncha yuqori boʻladi. Mikroklon bosqichida mikronovdalarni yangi ozuqaga transfer qilishda mikronovdalarning soni va ostki qismida hosil boʻlgan kallusning taʼsiri ham turli oʻsimliklarda turlicha ekanligi koʻplab tajribalarda aniqlangan. Quyidagi tajribada Aronia melanocarpa ni in vitro sharoitida mikroklonlarini samarali koʻpaytirish uchun mikronovdalarning optimal soni va kallusning koʻpayish darajasiga taʼsiri baholanadi.