Respublikamizda demografik jarayonlarni o‘rganishda mamlakatda o‘tkazilgan aholi ro‘yxati ma’lumotlari muhim ahamiyat kasb etadi. Ushbu maqolada, Yangi O‘zbekistonda aholini umummilliy ro‘yxatga olish tadbiri, undan ko‘zlangan maqsad tarixiy demografiya fani ilmiy usullaridan foydalangan holda, aholini rasmiy ro‘yxatga olishning tarixiy va hozirgi zamon bosqichlari bayon qilinadi. O‘zbekistonda aholini ro‘yxatga olishga umumdavlat tadbiri sifatida qaraladi. Bu tadbirda respublika aholisining ishtiroki demokratiyaning zarur sharti deb baholanadi.