Butun-butun xalqlar va millatlarning urfudumlari, minglab-millionlab yillik turmush tarzlarini tajovuzkorona poymol etishga urinish insoniyat tarixida hamisha o‘sha tajovuzkorlarning o‘ziga bitmas-tuganmas ofatlarni keltirgan va keltiraveradi. Ulug‘ shoirlar-u, e’tiqodi yo‘lida hech narsadan qaytmaydigan sabotli, tanti insonlarning beshigi bo‘lib ulg‘aytirgan muqaddas afg‘on tuprog‘ining bugungi kunda qonli yo‘rgakka mengzatilishi bejiz emas. Ul diyor endilikda oddiygina afg‘on yurti emas, bizning hujayra-hujayralarimizga tarqalgan og‘riq jarohatlar, nolalar go‘shasi hamdir.