Maqola O‘rta Osiyoning eng yirik tarixiygeografik o‘lkalaridan biri Sug‘d va uning yirik shaharlaridan hisoblangan Kesh haqida antik va o‘rta asrlar horij manbalaridagi keltirilgan ma’lumotlarning qiyosiy tahliliga bag‘ishlanadi. Yozma manbalar, arxeologik tadqiqotlar ma’lumotlari va voha shaharlarining geografik joylashuvi asosida Sug‘d va Kesh (Kitob-Shahrisabz) tarixiy georafiyasi, Kesh vohasi qadim va ilk o‘rta asrlar davri siyosiy ijtimoiy tarixiga doir ma’lumotlar, Kesh aholisi xo‘jaligining o‘ziga xos xususiyatlari maqolada o‘z aksini topadi.