Bugungi kunda oʻsimliklardan ajratib olingan bakteriyalarning potensialini baholashda ularning qishloq xoʻjalik ekinlari oʻsishini ragʻbatlantirish imkoniyatlarini oʻrganishga alohida e’tibor qaratilmoqda. Mazkur tadqiqot ishida ayrim galofit oʻsimliklardan ajratib olingan istiqbolli shoʻrlanish va fitopatogenlarga chidamli shtammlarning bugʻdoy, gʻoʻza va bodring oʻsimliklari rivojlanishiga ta’sirini aniqlash maqsad qilingan. Vegetatsion tajribalar oʻtkazish orqali olingan ma’lumotlar tadqiq qilingan endofit bakteriyalarning suspenziyasi qishloq xoʻjalik ekinlari oʻsish-rivojlanishini stimullaydigan xususiyatlarga ega ekanligini koʻrsatdi. Maqolada keltirilgan natijalar endofit bakteriyalarning stress omillar taʼsiri ostidagi sharoitda oʻsimliklar oʻsishini stimullash mexanizmlarini tushuntirishga xizmat qiladi.