Ushbu maqolada rus imperialistlarining zamonaviy O‘zbekiston hududidagi mustamlakachilik siyosati asl mohiyati ochib berilib, unda dastlab ushbu siyosatni amalga oshirish uchun qilingan ilk urinishlar haqida fikr yuritilgan. Unda bosqinchilik siyosatining tub maqsadlariga erishish uchun qatag‘on siyosati bejizga tanlanmagani va u bir necha bosqichda amalga oshirilib, millatimizning faxri va g‘ururi bo‘lgan fidoyi kishilarni yo‘q qilishga qaratilganligi tahlil etiladi. Qatag‘on siyosatining mustaqillikka erishganimiz uchun tugallanmay qolgan oxirgi bosqichi – “Paxta ishi” bo‘yicha to‘plangan dalillar atroflicha o‘rganilib, unga ilmiy nuqtai nazardan baho beriladi.