So‘nggi yillarda aholi sonining oshishi dorivor, efir moyli, ozuqabop hamda asal – shirali o‘simliklarga bo‘lgan talabning ham ortishiga olib kelmoqda. Shu o‘rinda etnobotanik tadqiqotlar asosida hududlarning dorivor o‘simliklar tarkiblarini aniqlash, asal – shirali turlarga ajratish, ularni ishlab chiqarishga joriy etish, aholini dorivor va oziq – ovqat maxsulotlariga bo‘lgan talabini qondirishga xizmat qiladi. Shunga ko‘ra, muhim xo‘jalik ahamiyatiga ega bo‘lgan Apiaceae oilasiga mansub alqor (Mediasia macrophylla (Regel & Schmalh) Pimenov) ham dorivor, ham ziravor o‘simlik bo‘lib, uning O‘rta Osiyoda yagona macrophylla (Regel & Schmalh) Pimenov deb ataluvchi turi o‘sadi. Alqor ziradoshlar oilasiga mansub ko‘p yillik o‘t bo‘lib, juda ko‘plab foydali belgi xususiyatlarga ega.