Мақолада глицирризин кислотаси тузларини картошка ва бататнинг ўсиш ривожланишига таъсири натижалари баён этилади. Глицирризин кислотасининг мононатрийли ва монокалийли тузлари эритмаларида танланган картошка ҳамда бататнинг нав ва линияларининг in vitro шароитда ривожланиши фитогормонларга нисбатан 1,1 дан 3,6 %гача паст кўрсаткични намоён қилган бўлса, глицирризин кислотасининг R2 радикали ўрнидаги Na+ ва K+ ионларининг Li+ ва NH4+ ионларига алмашиниши билан эса фитогормонларга нисбатан ҳар иккала ўсимликнинг ривожланишида 2,3 дан 7,7 %гача юқори кўрсаткичлар кузатилди.