Ushbu maqolada O‘zbekistonda uzumchilik rivojlanishi bilan bir qatorda uzumning virusli kasalliklari keng tarqalganligi bo’yicha ma’lumotlar keltirilgan. Sirdaryo viloyatidagi uzumzorlarda fanlif virus (GFLV) belgilarini o‘rganish maqsadida monitoring o‘tkazildi. Vizual diagnostika jarayonida virus bilan zararlangan uzum namunalarida barglarning deformatsiyasi, chetlari oʻtkir qirrali, assimetrik, piyola shaklidagi ajinlar mavjudligi, oʻsimlik bo’g’inlari oraliqlarining qisqargan va egri oʻsishi qayd etilgan. Indikator o'simliklarida virus izolatsiyasining asosiy belgilari ham tasvirlangan.