Mantiqiy fikrlash tafakkurning eng oliy bosqichidir. Mashhur  pedagog K.D.Ushinskiy, aqlli so‘zning ildizi mantiqiy tafakkurda ekan, barcha fanlarni o‘rganish ibtidosi mantiq va mantiqiy fikrlashdan boshlanishi kerakligi, umumiy ta’lim - ya’ni maktabning eng muhim vazifalaridan biri o‘quvchilarni mantiqiy fikrlashga o‘rgatish ekanligini ta’kidlagani bejiz emas. Ma’lumki,  takrorlash va mustahkamlash darslari o‘quvchilarning ijodiy qobiliyatlarini o‘stirish  turli, jumladan, nutqiy, kommunikativ va lingvistik kompetensiyalarini takomillashtirish, savodxonligini oshirish,  mustaqil fikrlashini o‘stirishga yo‘naltiriladi. Maqolada o‘quvchilarning  mantiqiy fikrlashini o‘stirishning  metodologik asoslari,  takrorlash va mustahkamlash darslarida ta`lim oluvchining  mantiqiy tafakkurini takomillshtiruvchi turli  topshiriqlar bilan ishlashga doir metodik tavsiyalar berilgan.