Маълумки, манзарали дарахт ва буталар шаҳарларнинг иқлимини юмшатади, ҳаво ҳарорати ва намлигини тартибга солади, чангни тозалайди ва зарарли газли бирикмаларни ўзлаштиради, ҳавони дезинфекцилайди ва ионлаштиради, уни хушбўй моддалар билан бойитади ва фитонцидлар чиқаради, қуёш радиацияси таъсирини чеклайди, тупроқни ҳаддан ташқари қизиб кетишдан ҳимоя қилади. Мақолада Тошкент Ботаника боғига интродукция қилинган, Ўзекистон тупроқ иқлим шароитига яхши мослашган ва шаҳарларни кўкаламзорлаштиришга тавсия этилаётган юқори манзарали буталарни кўпайтириш ҳақида маълумот берилган.