Yuqori ildamlikka ega bo‘lgan yarimo‘tkazgichlarda to‘lqin uzunligi diffusion uzunlikdan ancha kichik,lekin elektronlarning erkin chopish uzunligidan ancha katta bo‘lgan ultratovushning yutilishi va kuchayishi qarab chiqilgan.Chastotalarning bu sohasida tovush yutilishi koeffitsiyentining chastotaga bog‘liqligi gidrodinamik bog‘lanishlardan batamom farq qilishi,bunday bog‘lanishlarning ustun mexanizmi bo‘lib impuls relaksatsiyasi hisoblanishi aniqlangan.Sochilishning ayrim mexanizmlarida yutilish (kuchayish) koeffitsiyenti chastotaning kasrli darajasiga proporsional bo‘lishi hamda kuchayish ostonasiga to‘g‘ri keladigan elektr maydonining chastotaga bog‘liq bo‘lishligi ko‘rsatilgan.Tashqi magnit maydoni bo‘lmagan va mavjud bo‘lgan hollar qarab chiqilgan