Kambag‘allik ijtimoiy-iqtisodiy hodisa sifatida insonning asosiy ehtiyojlarini qondirish uchun moddiy resurslarning yetishmasligi va daromadlarni taqsimlashdagi tengsizlikning oqibati sifatida izohlanadi. Qashshoqlikni qisqartirish yoki uning oldini olish davlat siyosatining muhim maqsadlaridan biridir. Ammo qashshoqlikka qarshi kurashish uchun, avvalambor, uni aniqlash va o‘lchash usullarini qabul qilgan bo‘lishimiz kerak. Mazkur maqolada kambag‘allik sabablari, ijtimoiy-iqtisodiy oqibatlari, kambag‘allikning tasnifi va o‘lchovlarini yoritishga alohida e’tibor qaratilgan.