Mustaqillik yillarida O‘zbekistonning janubiy hududlarida ham kichik va o‘rta biznes korxonalari tashkil etilib, ularda sanoat mahsulotlari, xalq ehtiyoji mollari, aholiga turli xil xizmat ko‘rsatish yo‘lga qo‘yildi. Mulkchilik yangi shakllarining vujudga kelishi, kishilarda haqiqiy mulkdorlik tuyg‘usining qaror topishi, ishlab chiqarish jarayonining tamomila yangi tartibda tashkil etilishi viloyat sanoatida ham ulkan o‘zgarishlar yasalishiga olib keldi.